Idman

     Azərbaycan Respublikası Prezidentinin 3 sentyabr 1994-cü il tarixli, 199 saylı fərmanı ilə şəhər və rayon İcra Hakimiyyəti Başçıları Aparatları nəzdində fəaliyyət göstərən idman komitələri bazasında Gənclər və idman idarələri yaradılmışdır.               Laçın Rayon Gənclər və idman idarəsi iki ştat vahidi ilə 1995-ci ildən fəaliyyət göstərir. İdarənin rəisi Mustafayev Natiq Məhyəddin oğludur. 

   Laçın Rayon Gənclər və İdman idarəsi rayonda fəaliyyət göstərən Təhsil müəssisələri, Uşaq Gənclər İdman Şahmat Məktəbi, Uşaq Gənclər İnkişaf  Mərkəzi, Musiqi məktəbləri, o cümlədən idarəsinin nəzdində ictimai əsaslarla fəaliyyət göstərən Cüdo, Taekvando, Kikboksinq, Muay-Tay, Uşu-Sando, Şaolin, Alpaqut döyüş sənəti klubları ilə birlikdə uşaq, yeniyetmə və gənclərlə iş apararaq, onlara diqqət və qayğının göstərilməsi, istedadlı gənclərin aşkarlanması və istedadlarının daha da inkişaf etdirilməsi, böyüməkdə olan nəslin vətənpərvərlik ruhunda tərbiyə olunması, onların asudə vaxtlarının səmərəli təşkil edilməsi və idmana cəlb edilməsi, idmanın kütləviliyinə nail olunması və s. istiqamətində tədbirlər həyata keçirir.

Laçın rayonu üzrə idman sahəsində yüksək nailiyyətlər əldə etmiş gənclər haqqında
M ə l u m a t 
 

Rayon gəncləri müxtəlif mahnı, ser, rəsm və digər müsabiqələrdə iştirak etmiş və uğurlu nəticələr qazanmışlar.

• 2006 və 2007-ci ildə Respublika Yaradıcılıq Festivalı Müsabiqənin şer sənəti üzrə Laçın şəhər sakini Dadaşova Gülnar Yusif qızı Respublika mərhələlərinin qalibi adını qazanmış, Gənclər və İdman Nazirliyi tərəfindən “Gənclər” mükafatına layiq görülmüşdür.
    - 2009-cu ildə isə gənc yazarlar (şer) müsabiqəsində Mişni kənd sakini Qarayev Elmir Elşad oğlu və rəsm sənəti növü üzrə isə Qorçu kənd sakini Qədimalıyev Hafiz Adəm oğlu “Gənclər” mükafatına layiq görülərək Gənclər və İdman Nazirliyi tərəfindən mükafatlandırılmışlar.
• 2012-ci ildə “9 noyabr Bayraq günü”nə həsr olunmuş “Bayrağımız Milli qürurumuzdur”  mövzusunda keçirilən Respublika rəsm müsabiqəsində Əliyeva Selcan Bəhmən qızı I yerə layiq görülmüşdür.
• 2013-cü ildə Ümumilli lider Heydər Əliyevin anadan olmasının 90 illik münasibəti ilə Təhsil Nazirliyi tərəfindən keçirilən Respublika rəsm müsabiqəsində Əliyeva Selcan Bəhmən qızı I yerə layiq görülmüşdür.
• 2013-cü ildə “9 noyabr Bayraq günü”nə həsr olunmuş “Bayrağımız Milli qürurumuzdur”  mövzusunda keçirilən Respublika rəsm müsabiqəsində Cəfərov Nicat Kamil oğlu I yerə layiq görülmüşdür
• 2014-cü ildə “Mənim Azərbaycanim” Ümumrespublika Festivalının qalibi (Axundov Pərviz Eynulla, Qurbanov Sahil Habil, Qurbanov Pərviz Pənah, Abbasov Elşad Saday oğlu)
• 2014-cü ildə Yeniyetmələr arasında “Xəmsə”Milli İntellektual Oyunu üzrə Respublika çempionatının zona mərhələsində rayonun 31№-li məktəbin komandası I yeri tutaraq çempionatın final mərhələsinə vəsiqə qazanmışdır. Final mərhələsində isə ümumilikdə  822 komanda arasında 8 yeri tutmuşdur.
• 2015-ci ildə Azərbaycan Respublikasının İnsan Hüquqları üzrə Müvəkkiliyinin(Ombudsman) yaradılması ilə bağlı Təhsil Nazirliyi ilə birgə “Mən və hüquqlarım”mövzusunda keçirilən rəsm müsabiqəsində Uşaq Yaradıcılıq Mərkəzinin Rəsm və dekerativ tətbiqi sənət dərnəyinin üzvü Muradxanlı Aytən Aydın qızı I yerə layiq görülmüşdür.
• 2016-cı ildə  Azərbaycan Respublikası Gənclər və İdman Nazirliyi tərəfindən keçirilən gənclər arasında “Xəmsə” Milli İntellektual oyunu üzrə  VIII Azərbaycan çempionatının zona mərhələsində rayon komandası 3-cü yeri tutmuşdur.
• 2017-ci ildə  Azərbaycan Respublikası Gənclər və İdman Nazirliyi tərəfindən Qaçqın və məcburi köçkün gənclərin IV Yaradıcılıq festival-müsabiqəsi keçirilmişdir. Müsabiqədə rəsm sənəti üzrə Cəfərli Elçin I yerə, rəqs növü üzrə isə Şirinli İsmət II yerə layiq görülmüşdür.
• 2017-ci ildə Azərbaycan Respublikası Gənclər və İdman Nazirliyi tərəfindən yeniyetmələr arasında Xəmsə Milli İntellektual oyunu üzrə  V Azərbaycan çempionatının final mərhələsi keçirilmişdir. Rayon komandası zona mərhələsinin qalib olaraq, yarışların final mərhələsinə vəsiqə qazanmışdır. Ümumilikdə 900-ə yaxın komanda arasında keçirilən bu bilik yarışmasında rayon komandası 16 komanda arasına daxil ola bilmişdir.
• 2018-ci ildə  Azərbaycan Respublikası Gənclər və İdman Nazirliyi tərəfindən Kompyuter oyunları üzrə gənclər arasında XII Azərbaycan Milli Çempionatının zona  mərhələsi keçirilmişdir. Rayon komandası bütün rəqiblərini yenərək I yeri tutmuşdur. 
• 2018-ci ildə  Azərbaycan Respublikası Gənclər və İdman Nazirliyi tərəfindən gənclər arasında “Xəmsə” Milli İntellektual oyunu üzrə X Azərbaycan Çempionatının final mərhələsi keçirilmişdir. Rayon komandası zona mərhələsinin qalibi olaraq, yarışların final mərhələsinə vəsiqə qazanmışdır. Final mərhələsində isə rayon komandası Respublika üzrə 8 komanda arasına daxil ola bilmişdir.
• 2018 -ci ildə Azərbaycan Dövlət Televiziyasının bazasında  “Mən Azərbaycanlıyam” adlı intellektual tele layihədə 30 nəfər gəncin iştirakı təşkil edilmişdir. İntellektual oyunda Bəbirzadə Fərid İlqar oğlu  bütün sualları düzgün cavablandıraraq, “Mən Azərbaycanlıyam” tele layihənin final mərhələsinə vəsiqə qazanmışdır.
• 2019-cu ildə  Azərbaycan Respublikası Gənclər və İdman Nazirliyi tərəfindən Kompyuter oyunları üzrə gənclər arasında XIII Azərbaycan Milli Çempionatının zona  mərhələsi keçirilmişdir. Rayon komandası bütün rəqiblərini yenərək I yeri tutaraq, çempionatın final mərhələsinə vəsiqə qazanmışdır. 
• 2019-cu ildə  Azərbaycan Respublikası Gənclər və İdman Nazirliyi tərəfindən Qaçqın və Məcburi köçkün gənclərin V Respublika Yaradıcılıq Festival müsabiqəsi keçirilmişdir.  3 nominasiya üzrə keçirilən müsabiqədə mahnı nominasiyası üzrə  Mirzəzadə Ülkər Rəmzi qızı və rəsm nominasiyasında isə Muradxanlı Aytən Aydın qızı 1-ci yerləri tutaraq, müsabiqənin qalibləri olmuşdur.